കഴിഞ്ഞ ദിവസം ബിജു പ്രഭാകറിന്റെ വസതിയിലേക്ക് ഐ എന് ടി യു സി പ്രവര്ത്തകര് മാര്ച്ച് നടത്തിയിരുന്നു. ഇതുള്പ്പെടെ തന്നെ വ്യക്തിപരമായി അധിക്ഷേപിക്കുന്ന പ്രവര്ത്തനങ്ങളാണ് നടക്കുന്നതെന്നും സി ഐടിയു ഉള്പ്പെടെയുളള സംഘടനകള് കുറ്റം മുഴുവന് തന്റെയും മാനേജ്മെന്റിന്റെയും തലയില് ഇടുകയാണെന്നും ബിജു പ്രഭാകര് ആരോപിച്ചിരുന്നു.
കെ.എസ്.ആര്.ടി.സിയില് വ്യാപക ക്രമക്കേടെന്ന് മാനേജിങ് ഡയറക്ടര് ബിജു പ്രഭാകര്. 2012 മുതല് 2015 വരെയുള്ള കാലയളവില് നൂറു കോടിയോളം രൂപ കാണാനില്ല. അക്കാലത്ത് അക്കൗണ്ട്സ് മാനേജരായിരുന്ന ശ്രീകുമാറിനെതിരെ നടപടി സ്വീകരിക്കുമെന്നും അദ്ദേഹം വ്യക്തമാക്കി.